TAGS:
பயனில சொல்லாமை | Against Vain Speaking | அறத்துப்பால் | Virtue | thirukural,thirukkural,tirukural,tirukkural, திருவள்ளுவர் திருக்குறள்,thiruvalluvar,thirukural chapter,athigaram,kural,english to tamil,section,tamil thirukural,english couplets,thirukural search,tamil tutorial,thirukural in tamil,learn thirukural
திருவள்ளுவரின் திருக்குறள்

« புறங்கூறாமை 
தீவினையச்சம் » 


பல்லார் முனியப் பயனில சொல்லுவான்
எல்லாரும் எள்ளப் படும்.



கேட்டவர் பலரும் வெறுக்கும் படியாகப் பயனில்லாத சொற்களைச் சொல்லுகின்றவன், எல்லாராலும் இகழப்படுவான்.



பலரும் கேட்டு வெறுக்கப், பயனற்ற சொற்களைச் சொல்லுபவன் எல்லாராலும் இகழப்படுவான்.


Words without sense, while chafe the wise,
Who babbles, him will all despise.


He who to the disgust of many speaks useless things will be despised by all.



pallaar muniyap payanila solluvaan
ellaarum eLLap padum

பயனில பல்லார்முன் சொல்லல் நயனில
நட்டார்கண் செய்தலிற் றீது.



பலர் முன்னே பயனில்லாத சொற்களைச் சொல்லுதல், நண்பரிடத்தில் அறம் இல்லா செயல்களைச் செய்தலை விடத் தீமையானதாகும்.



ஒருவன் பலருக்கும் முன்னே பயனற்ற சொற்களைச் சொல்வது, நண்பர்களுக்குத் தீமை செய்வதைக் காட்டிலும் கொடியது.


Words without sense, where many wise men hear, to pour
Than deeds to friends ungracious done offendeth more.


To speak useless things in the presence of many is a greater evil than to do unkind things towards friends.



payanila pallaarmun sollal nayanila
nattaarkaN seydhaliR Reedhu

நயனிலன் என்பது சொல்லும் பயனில
பாரித் துரைக்கும் உரை.



ஒருவன் பயனில்லா பொருள்களைப் பற்றி விரிவாகச் சொல்லும் சொற்கள், அவன் அறம் இல்லாதவன் என்பதை அறிவிக்கும்.



பயனற்ற சொற்களை விரித்துப் பேசும் ஒருவன் பேச்சு அவன் நீதியற்றவன் என்பதைக் காட்டிவிடும்.


Diffusive speech of useless words proclaims
A man who never righteous wisdom gains.


That conversation in which a man utters forth useless things will say of him "he is without virtue".



nayanilan enpadhu sollum payanila
paarith thuraikkum urai

நயன்சாரா நன்மையின் நீக்கும் பயன்சாராப்
பண்பில்சொல் பல்லா ரகத்து.



பயனோடு பொருந்தாத பண்பு இல்லாத சொற்களைப் பலரிடத்தும் சொல்லுதல், அறத்தோடு பொருந்தாமல் நன்மையிலிருந்து நீங்கச் செய்யும்.



பயனற்ற, பண்பும் இல்லாத சொற்களை ஒருவன் பலரிடமும் சொன்னால் அச் சொற்களே அவனை நீதியுடன் சேராமல் நற்குணங்களிலிருந்து நீக்கிவிடும்.


Unmeaning, worthless words, said to the multitude,
To none delight afford, and sever men from good.


The words devoid of profit or pleasure which a man speaks will, being inconsistent with virtue, remove him from goodness.



nayansaaraa nanmaiyin neekkum payansaaraap
paNpilsol pallaa rakaththu

சீர்மை சிறப்பொடு நீங்கும் பயனில
நீர்மை யுடையார் சொலின்.



பயனில்லாத சொற்களை நல்ல பண்பு உடையவர் சொல்லுவாரானால், அவனுடைய மேம்பாடு அவர்க்குரிய மதிப்போடு நீங்கிவிடும்.



இனிய குணத்தவர் பயனற்ற சொற்களைச் சொன்னால், அவர் பெருமையும், புகழும் அப்பொழுதே நீங்கிவிடும்.


Gone are both fame and boasted excellence,
When men of worth speak of words devoid of sense.


If the good speak vain words their eminence and excellence will leave them.



seermai siRappotu neengum payanila
neermai yudaiyaar solin

பயனில்சொல் பாராட்டு வானை மகன்எனல்
மக்கட் பதடி யெனல்.



பயனில்லாத சொற்களைப் பலமுறையும் சொல்லுகின்ற ஒருவனை மனிதன் என்று சொல்லக்கூடாது, மக்களுள் பதர் என்று சொல்லவேண்டும்.



பயனற்ற சொற்களையே பலகாலமும் சொல்பவனை மனிதன் என வேண்டா; மனிதருள் பதர் என்றே சொல்லுங்கள்.


Who makes display of idle words' inanity,
Call him not man, -chaff of humanity!.


Call not him a man who parades forth his empty words. Call him the chaff of men.



payanilsol paaraattu vaanai makan-enal
makkat padhati yenal

நயனில சொல்லினுஞ் சொல்லுக சான்றோர்
பயனில சொல்லாமை நன்று.



சான்றோர் நயனில்லாதவற்றைச் சொல்லினுஞ் சொல்லுக, அமையும்; பயனில்லாதவற்றைச் சொல்லாமை நன்று. இது சான்றோர்க்கு ஆகாதென்றது.



நீதியற்ற சொற்களைச் சொன்னாலும் பயனற்ற சொற்களைச் சொல்லாமல் இருப்பது சான்றோர்க்கு நல்லது.


Let those who list speak things that no delight afford,
'Tis good for men of worth to speak no idle word.


Let the wise if they will, speak things without excellence; it will be well for them not to speak useless things.



nayanila sollinunhj cholluka saandroar
payanila sollaamai nandru

அரும்பயன் ஆயும் அறிவினார் சொல்லார்
பெரும்பயன் இல்லாத சொல்.



அருமையான பயன்களை ஆராயவல்ல அறிவை உடைய அறிஞர், மிக்க பயன் இல்லாத சொற்களை ஒருபோதும் சொல்லமாட்டார்.



அரிய பயன்களை ஆராயும் அறிவுடையோர், பெரும்பயன் இல்லாத சொற்களைச் சொல்வார்.


The wise who weigh the worth of every utterance,
Speak none but words of deep significance.


The wise who seek after rare pleasures will not speak words that have not much weight in them.



arumpayan aayum aRivinaar sollaar
perumpayan illaadha sol

பொருள்தீர்ந்த பொச்சாந்துஞ் சொல்லார் மருள்தீர்ந்த
மாசறு காட்சி யவர்.



மயக்கத்திலிருந்து தெளிந்த மாசற்ற அறிவை உடையவர், பயன் நீங்கிய சொற்களை ஒருகால் மறந்தும் சொல்லமாட்டார்.



மயக்கமற்ற தூய அறிவினை உடையவர், பொருளற்ற சொற்களை மறந்தும் சொல்லார்.


The men of vision pure, from wildering folly free,
Not e'en in thoughtless hour, speak words of vanity.


Those wise men who are without faults and are freed from ignorance will not even forgetfully speak things that profit not.



poruLdheerndha pochchaandhunhj sollaar maruLdheerndha
maasaRu kaatchi yavar

சொல்லுக சொல்லிற் பயனுடைய சொல்லற்க
சொல்லிற் பயனிலாச் சொல்.



சொற்களில் பயன் உடைய சொற்களை மட்டுமே சொல்லவேண்டும், பயன் இல்லாதவைகளாகிய சொற்களை சொல்லவே கூடாது.



சொற்களில் அறம், பொருள், இன்பம் ஆகிய பயன்தரும் சொற்களையே சொல்லுக; பயனற்ற சொற்களைச் சொல்லவேண்டா.


If speak you will, speak words that fruit afford,
If speak you will, speak never fruitless word.


Speak what is useful, and speak not useless words.



solluka solliR payanutaiya sollaRka
solliR payanilaach sol


« புறங்கூறாமை 
தீவினையச்சம் »